महोत्तरी – महोत्तरीस्थित प्रादेशिक अस्पताल जलेश्वर सञ्चालन तथा व्यवस्थापन समितिको अध्यक्षमा रोहित प्रसाद ठाकुर मनोनयन भएका छन्।

मधेश प्रदेशको स्वास्थ्य तथा जनसंख्या मन्त्रालयको मन्त्रिस्तरीय निर्णयअनुसार उनलाई उक्त पदमा मनोनयन गरिएको हो। अस्पताल सञ्चालन तथा व्यवस्थापन समिति गठन कार्यविधि, २०७९ को दफा ३ को उपदफा १ (क) बमोजिम ठाकुरलाई अध्यक्षमा नियुक्त गरिएको मन्त्रालयले जनाएको छ।

मनोनित अध्यक्ष ठाकुरले बुधबार नै पदभार ग्रहण गरेका छन्।